Կոտայքի մարզպետ Կարապետ Գուլոյանը և Գեղարքունիքի մարզպետ Կարեն Բոթոյանը հրաժարականի դիմում են ներկայացրել։ Այս մասին տեղակացրին PanARMENIAN.Net - ի հավաստի աղբյուրները:

Կարապետ Գուլոյանը մարզպետի պաշտոնը ստանձնել էր 2015 թվականի ապրիլի 2-ին։ Նա ԲՀԿ առաջնորդ Գագիկ Ծառուկյանի փեսան է։

Կարեն Բոթոյանը Գեղարքունիքի մարզպետ է նշանակվել 2017 թվականի մայիսի 25-ին:

Ավելի վաղ, ՀՀ տարածքային կառավարման և զարգացման նախարար Սուրեն Պապիկյանը լրագրողների հետ զրույցում հայտարարել էր, որ բոլոր մարզպետները փոխվելու են:

Նախարարը նշել է նաև, թե ՀՅԴ-ի ու «Ծառուկյան» դաշինքի ներկայացուցիչներին մարզպետներ նշանակելու մասին որոշում այս պահին չկա։