Հայաստանի ազգային պատկերասրահի տնօրեն Արման Ծատուրյանը դիմել է ՀՀ մշակույթի նախարար Լիլիթ Մակունցին՝ պայմանագրային հիմունքով նախարարություններին և պետական գերատեսչություններին տրամադրված նկարները թանգարանին վերադաձնելու խնդրանքով: Այս մասին ֆեյսբուքյան իր էջում գրառում է արել ինքը՝ նախարարը:
«Ծատուրյանը նշել է, որ դրանք նորերով փոխարինելու կարիք կա, ինչպես նշված է պայմանագրերում, պարզապես տարիներ շարունակ նկարները սահմանված կարգով չեն վերադարձվել: Այս խնդրանքին առաջինն արձագանքել է ԱԻն-ը: ՆախարարՀրաչյա Ռոստոմյանը նշել է, որ ունեն 94 կտավ, որոնք պատրաստ են վերադարձնել պայմանագրում նշված ժամկետի համաձայն», - գրել է Մակունցը:
Նա ասել է, որ իր մշակույթի նախարարությունում փակցված բոլոր բնօրինակ նկարները կվերադարձվեն Ազգային պատկերասրահ, քանի որ «կտավներն ունեն հատուկ պայմաններով պահպանության կարիք»:
