Հայաստանի արտակարգ իրավիճակների նախարար Հրաչյա Ռոստոմյանը հայտարարել է, որ նախարարությունում չարաշահումներ են եղել, և այժմ ԱԱԾ-ում երկու քրեական գործ է հարուցվել: Այս մասին հայտնում է Panorama.am-ը:
Նախարար չի մանրամասնել, թե կոնկրետ որ ստորաբաժանումներում և ինչ բնույթի չարաշահումներ են եղել:
Լրագրողների հետ զրույցում ՀՀ ԱԱԾ տնօրեն Արթուր Վանեցյանը տեղեկացրել է, որ դրանք կապված են բյուջետային ծախսերի հետ:
«ԱԻՆ-ից որոշակի տվյալներ ենք ստացել, քրեական գործ է հարցուցված, իրականացվում է քննություն: Քննության ընթացքի մասին այլ մանրամասներ այս պահին հայտնել չեմ կարող», - ասել է Վանեցյանը: