ԱԺ «Հանրապետական» խմբակցության անդամ, գործարար-պատգամավոր, «ՍԱՍ» սուպերմարկետների ցանցի սեփականատեր Արտակ Սարգսյանը հայտարարել է խմբակցությունը լքելու մասին։
«Հարգելի՛ հայրենակիցներ։ Ակնհայտ և անհերքելի է մեր երկրում նոր իրականության հիմնավորումն ու իրադրության փոփոխությունը: Ելնելով քաղաքական զարգացումներից ու ստեղծված իրավիճակից` ուզում եմ հայտնել Ձեզ, որ դիմում եմ ներկայացրել ՀՀԿ-ից ու Ազգային Ժողովի հանրապետական խմբակցությունից դուրս գալու վերաբերյալ: Որպես անկախ պատգամավոր շարունակելու եմ գործունեությունս ի նպաստ մեր ժողովրդի, Հայաստանի Հանրապետության», - ասված է պատգամավորի հայտարարությունում։
Սարգսյանը ՀՀԿ խմբակցությունը լքած 5-րդ պատգամավորն է Արթուր Գևորգյանից, Շիրակ Թորոսյանից, Արման Սահակյանից ու Ֆելիքս Ցոլակյանից հետո։ ՀՀԿ-ն կկորցնի խորհրդարանական մեծամասնությունը, եթե խմբակցությունը լքի ևս մեկ պատգամավոր։
