ՀՀ գլխավոր հարկադիր կատարող. Գյումրիի «ԳԱԼԱ» հեռուստաընկերության սարքավորումները չեն ապամոնտաժվել
Հայաստանի գլխավոր հարկադիր կատարող Գագիկ Այվազյանն այսօր հերքել է հայտարարություններն այն մասին, որ նախօրեին իր աշխատակիցներն ապամոնտաժել են Գյումրիի «ԳԱԼԱ» հեռուստաընկերության սարքավորումները, որի հետեւանքով այն զրկվել է եթեր դուրս գալու հնարավորությունից: Մեկնաբանելով «ԳԱԼԱ»-ի շուրջ ստեղծված իրավիճակը, Գագիկ Այվազյանը նկատել է, որ կատարողական թերթիկի հիման վրա հարկադիր կատարողները իրավունք ունեն ապամոնտաժել ալեհավաքը, սակայն դա չի արվել եւ հարկադիր կատարողները սահմափակվել են զուտ նախազգուշացնող անջատմամբ:
Գագիկ Այվազյանն ասել է, որ «ԳԱԼԱ» հեռուստաընկերության ալեհավաքը շարունակում է գտնվել Գյումրի քաղաքի հեռուստատեսային աշտարակի վրա, եւ հեռուստաընկերությունը կրկին կարող է օրինական ճանապարհով դուրս գալ եթեր` հարուցված գործով դատական ընթացքի դադարեցման դեպքում:
Ավելի վաղ ընթացիկ ամսում, Հայաստանի վճռաբեկ դատարանը ուժի մեջ թողեց Գյումրիի առաջին ատյանի դատարանի որոշումը, որով պարտավորեցրեց «ԳԱԼԱ» հեռուստաընկերությանը ազատել իր սարքավորումներից հին հեռուստաաշտարակը, որը հանդիսանում է քաղաքապետարանի սեփականությունը, հաղորդում է «Մեդիամաքսը»:
Գագիկ Այվազյանն ասել է, որ «ԳԱԼԱ» հեռուստաընկերության ալեհավաքը շարունակում է գտնվել Գյումրի քաղաքի հեռուստատեսային աշտարակի վրա, եւ հեռուստաընկերությունը կրկին կարող է օրինական ճանապարհով դուրս գալ եթեր` հարուցված գործով դատական ընթացքի դադարեցման դեպքում:
Ավելի վաղ ընթացիկ ամսում, Հայաստանի վճռաբեկ դատարանը ուժի մեջ թողեց Գյումրիի առաջին ատյանի դատարանի որոշումը, որով պարտավորեցրեց «ԳԱԼԱ» հեռուստաընկերությանը ազատել իր սարքավորումներից հին հեռուստաաշտարակը, որը հանդիսանում է քաղաքապետարանի սեփականությունը, հաղորդում է «Մեդիամաքսը»:
