Մշտական բնակության վայրից դուրս պաշտոնի նշանակված կառավարության անդամին տվյալ վայրում բնակարանի վարձին համարժեք փոխհատուցման առավելագույն չափ կսահմանվի ամսական 100.000 դրամը: Համապատասխան որոշման նախագիծն ընդգրկված է կառավարության հունիսի 15-ի նիստի օրակարգում:
Փոխհատուցումը տրամադրվում է այն դեպքերում, երբ կառավարության անդամի նստավայրը իր մշտական բնակության վայրը չէ և նա տվյալ վայրում չունի սեփականության իրավունքով իրեն պատկանող բնակելի անշարժ գույք:
Նախագիծը մշակելիս ուսումնասիրվել և հաշվի է առնվել Ազգային Ժողովի պատգամավորներին Երևան քաղաքում բնակարան չունենալու դեպում բնակարանի վարձով կամ համարժեք փոխհատուցման ապահովելու մեխանիզմը: