ՀՀ վարչապետ Նիկոլ Փաշինյանը ԱԺ «Հանրապետական» խմբակցության պատգամավոր Հերմինե Նաղդալյանի ամուսին Դավիթ Բեգլարյանին ազատել է կառավարության գործերի կառավարչի պաշտոնից: Այս մասին հայտնում է «Հայկական ժամանակ» օրարթերթը:
Նշվում է, որ Բեգլարյանն այս պաշտոնում նշանակվել է դեռևս նախկին վարչապետ Տիգրան Սարգսյանի օրոք և շարունակել պաշտոնավարել Փաշինյանի կառավարության ձևավորումից հետո:
Գործերի նոր կառավարիչ առայժմ նշանակված չէ, սակայն, ըստ աղբյուրի, այդ պաշտոնը զբաղեցնելու է Գևորգ Աճեմյանը, ով աջ ղեկով մեքենաների ներմուծումն ու շահագործումն արգելող օրենքի դեմ պայքարող «Աջ ղեկ» նախաձեռնության համակարգողներից է: