Երևանի Սայաթ-Նովա փողոցում կանգնեցված քանդակագործ, ճարտարապետ Ռաֆայել Իսրայելյանի հեղինակած հուշարձանը վնասվել է ավտովթարի հետևանքով։
Մեքենայի հարվածի հետևանքով տուֆից զարդանախշ հուշարձանն ընկել է և մասնատվել։
Փոխնախարար Տիգրան Գալստյանը ֆեյսբուքյան իր էջում հայտնել է, որ հուշարձանը ներառված չի եղել Երևանի հուշարձանների պետական ցուցակում։
Նա հավելել է, որ ցանկն առաջիկայում անպայման կվերանայվի և հուշարձանը կներառվի:
«Հիմա այս հուշակոթողի վերկանգնելու պարտականությունը Երևանի քաղաքապետարանինն է, վաղ առավոտյան քաղաքապետարանին առաջարկել եմ, որ անհապաղ զբաղվեն այս հարցով և պարբերաբար զանգահարում եմ, որ տեղեկանամ գործի ընթացքից»,-ասվում է գրառման մեջ:
Հուշակոթողը գտնվում է Երևանի Սայթ-Նովա փողոցում, կանգնեցվել է 1962 թվականին: Կոթողը նվիրված է երգիչ, երաժիշտ ու տաղերգու Սայաթ-Նովային: