Մոսկվայում մեկնարկել է ֆուտբոլի Աշխարհի առաջնությունը: Առաջինը մարզադաշտ են դուրս եկել Ռուսաստանի Դաշնության և Սաուդյան Արաբիայի հավաքականները:
ՀՀ վարչապետ Նիկոլ Փաշինյանը «Լուժնիկի» մարզադաշտում ներկա է ֆուտբոլի Աշխարհի առաջնության բացման հանդիսավոր արարողությանն ու առաջնության առաջին խաղին: Ներկա են նաև ՌԴ նախագահ Վլադիմիր Պուտինը և մի շարք այլ պետությունների նախագահներ ու կառավարությունների ղեկավարներ, որոնք ժամանել են Մոսկվա՝ ֆուտբոլի Աշխարհի առաջնության բացման հանդիսավոր արարողությանը ներկա գտնվելու նպատակով:
Հունիսի 13-ին աշխատանքային այցով Ռուսաստանի Դաշնությունում գտնվող վարչապետ Նիկոլ Փաշինյանը և տիկին Աննա Հակոբյանը Կարմիր հրապարակում ներկա են գտնվել ֆուտբոլի Աշխարհի առաջնությանը նվիրված գալա-համերգին: Միջոցառմանը ներկա են եղել նաև ՌԴ նախագահ Վլադիմիր Պուտինը և մի շարք այլ պետությունների նախագահներ ու կառավարությունների ղեկավարներ:
