ՀՀ միջազգային վարկանիշի վրա կոռուպցիայի բացահայտումն ու մեղավորների արժանի պատիժ ստանալը միայն դրական ազդեցություն է ունենալու։
Այս մասին է հայտարարել ԱԳՆ մամուլի խոսնակ Տիգրան Բալայանը, հայտնում է Panorama.am-ը։
«Դա միմիայն դրական ընթացք կարող է ունենալ մեր միջազգային վարկանիշի վրա»,- նշել է նա:
Հունիսի 17-ի երեկոյան ԱԱԾ-ն հրապարակել է Մանվել Գրիգորյանին պատկանող առանձնատանն ու ամառանոցում խուզարկության տեսագրությունը․ մեծ քանակությամբ զենք-զինամթերքից բացի, առգրավվել է հսկայական քանակի բանակին պատկանող գույք ու սնունդ, Ապրիլյան պատերազմի ժամանակ դպրոցականների, եկեղեցու ու քաղաքացիների կողմից բանակ ուղարկած օգնություն, որն օգտագործվել էր Գրիգորյանի կենդանիներին կերակրելու համար, ինչպես նաև՝ բանակին նվիրաբերած ավտոմեքենաներ։