Զինաթափվել են ՊԵԿ նախկին ղեկավար Հովհաննես Հովսեփյանն ու իր թիկնապահները։
Ոստիկանության մամուլի ծառայության հաղորդմամբ, Կիևյան-Օրբելի խաչմերուկում հունիսի լույս 19-ի գիշերն ուժայինները հատուկ գործողություն են իրականացրել՝ կանգնեցնելով Հովսեփյանի ավտոշարասյունը, առգրավելով ատրճանակ ու ինքնաձիգ, որոնց օրինականությունը ստուգվում է։
Հովսեփյանի ավտոշարասյան մեքենաներից 2-ի պետհամարանիշները փոխված են եղել, նրանք ունեցել են փարոսիկներ ու ռադիոկապ։ Մեքենաները ոստիկանության հատուկ պահպանվող տարածք են տեղափոխվել։
Հովսեփյանը ղեկավարել է ՊԵԿ-ն 2016 թվականին՝ մինչև Կարեն Կարապետյանի կառավարության կազմավորումը։