Իրավապահ մարմինները խուզարկություն են իրականացնում «Սեքյուրիթի Դրիմ» և «Էլլիպս» ընկերություններում, ինչպես նաև դրանց հիմնադիրների, տնօրենների և հաշվապահների բնակարաններում: Այս մասին PanARMENIAN.Net ին հայտնեց ՀՀ քննչական կոմիտեի նախագահի խորհրդական Սոնա Տռուզյանը:
Նա ասաց, որ կոմիտեն վարույթ է ընդունել ընկերություններում չարաշահումների գործով ավելի վաղ հարուցված քրեական գործը:
Ավելի վաղ, ՀՀ ոստիկանության կազմակերպված հանցավորության դեմ պայքարի (6-րդ) գլխավոր վարչության աշխատակիցները ստուգումներ էր իրականացրել երթևեկությունը վերահսկող արագաչափեր և տեսախցիկներ տեղադրող «Սեքյուրիթի դրիմ» և «Էլլիպս» ընկերություններում:
Պարզվել էր, որ ընկերությունները կեղծ հաշվետվություններ են ներկայացրել Ճանապարհային ոստիկանություն, ինչի արդյունքում ընկերությունների տնօրինությունը մոտ 1,16 միլիարդ դրամ է հափշտակել:
