Ազգային անվտանգության ծառայությունը բերման է ենթարկել ՀՀ երրորդ նախագահ Սերժ Սարգսյանի թիկնազորի նախկին պետ Վաչագան Ղազարյանին: Այս մասին PanARMENIAN.Net ին հայտնեց ՀՀ ԱԱԾ մամուլի կենտրոնի պետ Սամսոն Գալստյանը:
«Հաստատում եմ այդ տեղեկատվությունը: Ավելի ուշ պաշտոնական հաղորդագրություն կլինի»,- ասաց Գալստյանը:
Ավելի վաղ, ՀՀ երրորդ նախագահ Սերժ Սարգսյանի թիկնազորի նախկին պետ Վաչագան Ղազարյանի դեմ քրեական գործ է հարուցվել՝ ապօրինի հարստանալու, հայտարարագրերում կեղծ տվյալներ ներկայացնելու կամ հայտարարագրման ենթակա տվյալը թաքցնելու դեպքի առթիվ, հայտնում է ՀՀ ՔԿ մամուլի ծառայությունը: