Ներկայումս բանակցություններ են ընթանում Նոբելյան մրցանակի դափնեկիր, թուրք գրող Օրհան Փամուկի հետ` հայերեն լեզվով նրա «Պատանեկություն» գրքի հրատարակման շուրջ, որը պատմում է Հայոց ցեղասպանության մասին: Այդ մասին PanARMENIAN.Net-ի թղթակցին է հայտնել ՀՀ Գրողների միության նախագահ Լեւոն Անանյանը: Նրա խոսքերով, գրքի հրատարակությունն իրականացվել է ՀՅԴ աջակցությամբ: «Հայաստանն այսօր պետք է փորձի աշխատել թուրք հանրության հետ, որպեսզի այն կարողանա հասկանալ, թե ինչ է կատարվել հայերի հետ Օսմանյան կայսրությունում 20-րդ դարի սկզբին: Ցավոք, այսօր մենք վատ ենք ճանաչում թուրք հասարակությանը, ինչպես եւ թուրքերը վատ են ճանաչում հայ հանրությանը»,-ասել է Անանյանը` հավելելով, որ գիրքը, հավանաբր, կհրատարակվի Ստամբուլի հայ համայնքի ուժերով: