Իրանի ժողովուրդը կիսում է հայ ժողովրդի ցավը: Այդ մասին Երեւանում լրագրողներին է հայտարարել է Հայաստանում Իրանի դեսպան Սայեդ Ալի Սաղաիանը: Նրա խոսքերով, աշխարհը չպետք է թույլ տա ցեղասպանության կրկնություն: «Եթե մենք միասին աշխատենք հանուն արդարության եւ հումանիզմի, ապա կհասնենք բոլոր ցեղասպանությունների ճանաչմանն ու դատապարտմանը: Մենք անկեղծորեն հայ ժողովրդին ենք հայտնում մեր ըմբռնումն ու ցավակցությունը»,-ասել է Հայաստանում Իրանի դեսպանը:

Իրանի դեսպանը ապրիլի 24-ին այցելել է Հայոց ցեղասպանության զոհերի հուշահամալիր եւ ծաղկեպսակ դրել:

Հայոց ցեղասպանությունը 20 դարի առաջին ցեղասպանությունն է: 1915-23թթ. սպանվել եւ բռնագաղթվել է 1,5 մլն հայ, որոնք բնակվում էին Արեւմտյան Հայաստանի հայկական վիլայեթներում, որոնք այն ժամանակ մտնում էր Օսմանյան կայսրության մեջ: