Կառավարությունը մտադիր է լրացում կատարել «Երևան քաղաքում տեղական ինքնակառավարման մասին» ՀՀ օրենքում, որով նախատեսվում է Ավագանու անդամի պարտականություններում ավելացնել համայնքի բնակիչների հետ պարբերաբար հանդիպելու և Ավագանու աշխատանքների մասին նրանց տեղեկացնելու վերաբերյալ դրույթ: Որոշման նախագիծն ընդգրկված է գործադիրի հուլիսի 10-ի նիստի օրակարգում:
Ըստ նախագծի հիմնավորման, գործող օրենքում նշվում է միայն, որ Ավագանու անդամը պարտավոր է մասնակցել Երևանի բնակիչների՝ Ավագանու կողմից իրականացվող ընդունելություններին:
«Դրույթի ավելացումը թույլ կտա Ավագանու գործունեությունը էլ ավելի հասանելի և թափանցիկ դարձնել հանրությանը», - նշվում է հիմնավորման մեջ: