Վրաստանում ՀՀ դեսպանությունը հորդորում է ՀՀ քաղաքացիներին Վրաստանի սահմանը չգրանցված ավտոմեքենայով հատելիս ունենալ մեքենայի տիրոջ կողմից տրված լիազորագիր՝ վրացերենով կամ անգլերենով, հայտնում է դեսպանության մամուլի ծառայությունը:
«Եթե պատրաստվում եք հատել Վրաստանի սահմանը Ձեր անունով չգրանցված ավտոմեքենայով, ապա խնդրում ենք ունենալ մեքենայի տիրոջ կողմից տրված լիազորագիրը՝ վրացերենով կամ անգլերենով։ Թարգմանությունը պետք է հաստատված լինի նոտարի կողմից»,- մասնավորապես նշվում է դեսպանության հաղորդագրության մեջ:
Ավելի վաղ, Վրաստանում ՀՀ դեսպանությունը ոչ թույլատրելի չափաքանակով տարբեր ապրանքների վերաբերյալ տեղեկատվական ծանուցագրեր է պատրաստել, որոնք ուղարկվել են հայ-վրացական սահմանային անցակետ՝ սահմանը հատել պատրաստվող ՀՀ քաղաքացիներին տրամադրելու համար: