Թուրքիայի արտաքին գործերի նախարար Մեւլութ Չավուշօղլուն Բրյուսելում հուլիսի 11-ին մեկնարկա ՆԱՏՕ-ի գագաթնաժողովի ընթացքում շնորհավորել է Նիկոլ Փաշինյանին ՀՀ վարչապետ ընտրվելու առթիվ: «Ազատություն» ռադիոկայանի փոխանցմամբ, այս մասին Փաշինյանը հայտնել է լրագրողների հետ ճեպազրույցում:
Նա ասել է, որ կարճ զրույց է ունեցել Չավուշօղլուի հետ:
«Երբ մենք նստած էինք պատվիրակությունների սրահում, Թուրքիայի ԱԳ նախարարը սրընթաց անցավ, հետո վերադաձավ և մոտեցավ՝ սկզբից արտգործնախարար Զոհրաբ Մնացականյանին, ում հետ ծանոթացել են Եվրախորհրդում համատեղ աշխատանքի ժամանակ: Հետո նաև ծանոթացավ ինձ հետ և ասաց, որ իրենք հետևում էին հայաստանյան գործընթացներին»,- պատմել է նա:
Ըստ Փաշինյանի, «որևէ այլ շփում չի եղել ԹուրքիայիԱԳ նախարարի հետ»:
ՀՀ վարչապետ Նիկոլ Փաշինյանի գլխավորած պատվիրակությունը հուլիսի 11-13-ը մասնակցում է Բրյուսելում ՆԱՏՕ-ի գագաթնաժողովին:
