Հրեաների վերաբերմունքը Հայոց ցեղասպանության ճանաչման նկատմամբ վերջերս էապես փոխվել է: Այդ մասին PanARMENIAN.Net-ի թղթակցի հետ զրույցում հայտարարել է Ամերիկայի Հայկական Համագումարի (AAA) հասարակայնության հետ կապերի կոմիտեի նախագահ Էնթոնի Բարսամյանը: Նրա խոսքերով, հրեաներն արդեն չեն պնդում Հոլոքոստի բացառիկությունը որպես համաշխարհային պատմության մեջ: «Մենք այժմ շատ սերտ համգործակցում ենք հրեական կազմակերպությունների հետ, եւ նրանք ընդունում են, Օսմանյան կայսրությունում հայերի զանգվածային սպանությունները Ցեղասպանություն է: Ավելին, չկա որեւէ լուրջ հրեա գիտնական, ով կհերքեր Հայոց ցեղասպանության փաստը»,- ասել է Բարսամյանը: