Հայազգի թենիսիստ Կարեն Խաչանովը դարձել է Ռուսաստանի առաջին ռակետը և զբաղեցնում է 22-րդ հորիզոնականը Պրոֆեսիոնալ թենիսիստների ասոցիացիայի (ATP) թարմացված վարկանիշում: Խաչանովը Ուիմբլդոնում հասավ 4-րդ խաղաշրջան, որի շնորհիվ 25-րդ հորիզոնականից հասավ 22-րդին, գրում է sport24.ru-ն:
Խաչանովն ըստ վարկանիշի ունի 1045 միավոր:
Վարկանիշը գլխավորում են Ռաֆայել Նադալը, Ռոջեր Ֆեդերերը և Գերմանիան ներկայացնող Ալեքսանդր Զվերևը: 4-րդ հորիզոնականում արգենտինացի Խուան-Մարտին դել Պոտրոն է:
Ուիմբլդոնի հաղթող, սերբ թենիսիստ Նովակ Ջոկովիչը 5-րդն է: