Հունաստանում անտառային հրդեհների հետևանքով զոհերի քանակը հասել է 83-ի:
Տուժել է առնվազն 187 մարդ՝ 164 մեծահասակ և 23 երեխա: Ըստ չստուգված տվյալների, ավելի քան 100 անհետ կորած կա, գրում է ՌԻԱ Նովոստին Sputnik Հունաստանի վրա հղումով:
Վերջին օրերին Հունաստանում 40 աստիճան շոգ է, իրավիճակը վատթարացնում է ուժեղ քամին, որի պատճառով հրշեջները չեն կարողանում մարել կրակը: Վարչապետ Ալեքսիս Ցիպրասը եռօրյա սուգ է հայտարարել:
Հունաստանի Ատտիկա շրջանում արտակարգ դրություն է հայտարարված: Հունաստանի դատախազությունը սկսել է հետաքննել բռնկումների պատճառները: Փրկարարների թիմերը շարունակում են որոնողական աշխատանքները: