ՀՀ վարչապետ Նիկոլ Փաշինյանի հանձնարարությամբ` ՀՀ տրանսպորտի, կապի և տեղեկատվական տեխնոլոգիաների նախարար Աշոտ Հակոբյանը կմեկնի Վերին Լարս՝ տեղում իրավիճակին ծանոթանալու նպատակով:
Ավելի ուշ կտրվի լրացուցիչ տեղեկատվություն:
Ավելի վաղ, Տրանսպորտի, կապի և տեղեկատվական տեխնոլոգիաների փոխնախարար Արմեն Փամբուխչյանն իր ֆեյսբուքյան էջում հայտարարել է, որ Լարսում դարձյալ խնդիրներ են ծագել, ռուսական կողմից հերթի երկարությունը 9-10 կմ է:
Նա վարորդներին հորդորել է այդ ճանապարհը չօգտագործել բեռնափոխադրումների համար։