Այսօր Լեռնային Ղարաբաղի հակամարտության կողմերի միջեւ փոխվստահություն հաստատելու եւ բանակցությունների համար կոնստրուկտիվ միջավայր ստեղծելու հստակ պահանջ կա: Այդ մասին հայտարարել է Հայաստանի արտգործնախարար Էդվարդ Նալբանդյանը երեկ իր ֆրանսիացի գործընկեր Բերնար Կուշների հետ հանդիպումից հետո կայացած ճեպազրույցի ժամանակ: Բացի այդ, այսօր հստակ պահանջ կա կրկին հաստատելու, որ Լեռնային Ղարաբաղի հարցի խաղաղ եւ բանակցային լուծմանն այլընտրանք չկա: «Վաղը Ստրասբուրգում ես հանդիպելու եմ Ադրբեջանի իմ գործընկերոջը եւ հույս ունեմ, որ կշարունակենք կոնստրուկտիվ երկխոսությունը` միջնորդների օգնությամբ հարցին լուծման ուղիներ գտնելու համար»,- նշել է Է. Ադրբեջանը, հայտնում է ՀՀ ԱԳՆ մամլո ծառայությունը: