ՀՀ կառավարության օգոստոսի 16-ի նիստում ընդունվել է Երևանի ավագանու լիազորությունների ժամկետը կրճատելու մասին որոշման նախագիծը:
Նշվում է, որ Կենտրոնական ընտրական հանձնաժողովը նիստ կգումարի և 30-40-օրյա ժամկետում կնշանակի ընտրությունների օրը:
Ընտրությունների կազմակերպման համար գործադիրը 87,6 մլն դրամ է հատկացրել ՀՀ ոստիկանությանը:
Ավելի վաղ, Երևանի քաղաքապետ Տարոն Մարգարյանը հրաժարական է տվել:
2018 թվականի հուլիսի 16-ին ավագանու նիստ չի կայացել՝ ավագանու անդամների կողմից մասնակցության անհրաժեշտ իրավազորությունը չապահովելու հիմքով: Այդ նիստից ի վեր՝ երկշաբաթյա ընթացքում որևէ խմբակցություն Երևանի քաղաքապետի թեկնածուներ չի առաջադրել: Փաստորեն, առկա է «Երևան քաղաքում տեղական ինքնակառավարման մասին» ՀՀ օրենքի 17-րդ հոդվածի 2-րդ մասով նախատեսված ավագանու լիազորությունների ժամկետը կրճատելու հիմքը:
