Արցախի Հանրապետության նախագահի մամուլի քարտուղար Դավիթ Բաբայանը PanARMENIAN.Net -ին ասաց, որ օգոստոսի 17-ի կեսգիշերին Ադրբեջանի զինված ուժերի 15 հոգանոց խմբի հարձակումը պայմանավորված չէ Հայաստանի ներքաղաքական իրավիճակով:
«Ահաբեկչությունը չունի որևէ տրամաբանություն: Այսպիսի փորձեր եղել են և, ցավոք սրտի, միշտ էլ կլինեն Ադրբեջանի կողմից», - ասել է Բաբայանը՝ հավելելով, որ հակառակորդն այսպիսի փորձերով մշտապես ստուգել է հայկական կողմի զգոնությունը:
Ավելի վաղ հայտնել էինք, որ օգոստոսի 17-ին՝ ժամը 00:00-ի սահմաններում, հակառակորդի 15 հոգանոց խումբը հարձակման փորձ է ձեռնարկել ՊԲ հյուսիսային հատվածում տեղակայված մարտական դիրքերից մեկի ուղղությամբ:
ՊԲ դիրքապահ ստորաբաժանումները ժամանակին հավաստանշել են հակառակորդի նախահարձակ խմբի գործողությունները և վերջիններիս հետ շպրտել ելման դիրքեր: