Զեյնալյան. ՔՀԿ-ներում մոլախաղերն արգելվել են
ՀՀ արդարադատության նախարար Արտակ Զեյնալյանը հայտարարել է, որ քրեակատարողական հիմնարկներում արգելվել են մոլախաղերը, հայտնում է Aysor.am-ը:
«Բռնի կերպով, հարկադրաբար մոլախաղեր խաղալու ավանդույթը ՔԿՀ-ներում կասեցված է, մենք չենք կարող դրանք ամբողջությամբ բացառել, քանի որ մարդիկ կարող են ցանկացած բանի վրա խաղալ, այդ թվում՝ նաև թիկունքի հետևում քար պահելու վրա: Բայց զառեր, խաղաթղթեր, նման առարկաները պարտադիր վերցվում են», - ասել է Զեյնալյանը:
Նա հավելել է, որ մշակվում է միջոցառումների պլան, որը թույլ կտա դատապարտյալներն ունենալ այլ զբաղմունք:
