ՀՀ արդարադատության նախարար Արտակ Զեյնալյանը դատապարտել է ԱԺ ՀՀԿ-ական պատգամավոր Մանվել Գրիգորյանին լուսանկարելն ու այն հրապարակելը. նրա հանձնարարությամբ, ծառայողական քննություն է իրականացվում, հայտնում է «Հայաստան 24»-ը:
«Սա իրավունքի խախտում է, եթե նույնիսկ դատապատյալը տվել է իր համաձայնությունը, ԶԼՄ-ն պետք է ծանրութեթև անի՝ հրապարակե՞լ, թե՝ ոչ, որովհետև դատապարտյալի կամքն ազատորեն չի ձևավորվել: Այդ սկզբունքից ելնելով է նաև, որ նրանց ընտրական իրավունք չի տրվում: Չէր կարելի լուսանկարել ու հրապարակել՝ անկախ անձից»,- ասել է նախարարը՝ հավելելով, որ լուսանկարն արվել է ձերբակալվածների պահելու վայրում:
Ավելի վաղ, Հայաստանի Հանրապետության արդարադատության նախարարության քրեակատարողական ծառայությունը հայտնել է, որ կալանավորված ԱԺ ՀՀԿ-ական պատգամավոր Մանվել Գրիգորյանի՝ համացանցում հրապարակված լուսանկարը «Երևան-Կենտրոն» քրեակատարողական հիմնարկում չի արվել:
