ԱՄՆ-ում գործունեություն ծավալող հարավ-կորեացի խոշոր գործարար Դենիել Քոն ինովացիոն տեխնոլոգիաներով զբաղվող ավելի քան 2000 մասնագետի և ձեռներեցի հետ առաջիկայում կտեղափոխվի ՀՀ՝ «Մուլտի Գրուպ» կոնցեռնի և շվեդական «Օմնիա Թեք» ընկերության համատեղ՝ աշխարհի ամենամեծ մայնինգ ֆերմա ստեղծելու նախաձեռնությանը միանալու, հայտնում է «Կենտրոն» հեռուստաընկերությունը:
Գործարար Գագիկ Ծառուկյանը Քոյի հետ հանդիպմանը վստահեցրել է, որ պատասխանատու է արտասահամանցի գործընկերների յուրաքանչյուր ներդրման համար:
Ավելի վաղ հայտնել էինք, որ «Մուլտի Գրուպ» կոնցեռնը և շվեդական «Օմնիա Թեք» ընկերությունը Հայաստանում աշխարհի ամենամեծ մայնինգ ֆերմա ստեղծելու նախագիծ են իրականացնելու: Առաջիկա 2 տարում նախատեսվում է ավելի քան $2 մլրդ-ի ներդրում իրականացնել: