«Ազիմուտը» Երևանից թռիչքներ կիրականացնի ՌԴ
«Զվարթնոց» միջազգային օդանավակայանում կնքվել է պայմանագիր «Ազիմուտ» ավիաընկերության և «Արմենիա Միջազգային Օդանավակայաններ» ՓԲԸ միջև. ըստ պայմանագրի՝ հոկտեմբերի 1-ից «Ազիմուտը» Երևանից թռիչքներ կիրականացնի Ռոստով, Կրասնոդար և Ստավրոպոլ ուղղություններով, հայտնում է «Արմենիա միջազգային օդանավակայաններ» ընկերությունը:
Աղբյուրի փոխանցմամբ՝ հանդիպմանը ներկա են եղել «Ազիմուտ» ավիաընկերության տնօրենների խորհրդի նախագահ Պավել Ոդոդը, գլխավոր տնօրեն Պավել Եկժանովը, գործադիր տնօրեն Էդուարդ Տեպլիցկին, Ռոսավիացիայի Հարավ մասնաճյուղի պետ Վլադիմիր Իսաևը:
Հայկական կողմից հանդիպմանը մասնակցել են «Արմենիա Միջազգային Օդանավակայաններ» ՓԲԸ գլխավոր մենեջեր Մարսելո Վենդեն և գլխավոր մենեջերի տեղակալ Սերգեյ Ավետիսյանը:
