Ադրբեջանի Գլխավոր դատախազության Քննչական վարչությունը քրեական գործ է հարուցել հայտնի ամերիկահայ միլիոնատեր Դեն Բիլզերյանի դեմ:
Ինչպես հայտարարել է Ադրբեջանի Գլխավոր դատախազությունը, «քննության արդյունքում պարզվել է», որ օգոստոսի 28-ին Բիլզերյանն «ապօրինի» մեկնել է Արցախ:
Նշվում է, որ Արցախում նա «ապօրինաբար ձեռք է բերել նռնակներ, հրացան և այլ հրազեն՝ ցուցադրաբար կրակ բացելով», գրում է Haqqin.az-ը:
Բիլզերյանի դեմ քրգործ է հարուցվել Ադրբեջանի ՔՕ 228.3 և 318.2 հոդվածներով:
«Հանցագործի որոնումներով կզբաղվի Ինտերպոլը»,-ասվում է Ադրբեջանի Գլխավոր դատախազության հայտարարության մեջ:
Դեն Բիլզերյանը Հայաստան է ժամանել օգոստոսի 27-ի վաղ առավոտյան: Նա ՀՀ քաղաքացիություն է ստացել և հաշվառման կանգնել ՀՀ ԶՈւ-ում: Երևանից նա մեկնել է Արցախ:Արցախում նա հանդիպել է ուժայինների հետ և կրակել տարբեր զինատեսակներից,այդ թվում նռնականետից:Բիլզերյանն Արցախ էր մեկնել հոր և եղբոր հետ: