Սեպտեմբերի 2-4-ը ՀՀ ԱԳ նախարարի հրավերով Հայաստան պաշտոնական այց կկատարի Ճապոնիայի արտաքին գործերի նախարար Տարո Կոնոն։
Ճապոնիայի արտաքին գործերի նախարարին կընդունեն Հանրապետության նախագահը և վարչապետը։
Սեպտեբերի 3-ին նախատեսված են Զոհրաբ Մնացականյանի և Տարո Կոնոյի բանակցությունները, որոնց արդյունքներով նախարարները հանդես կգան մամուլի համար հայտարարություններով, հայտնում է ԱԳՆ մամուլի ծառայությունը։
Ճապոնիայի ԱԳ նախարարը կայցելի Ծիծեռնակաբերդ, ծաղկեպսակ կդնի՝ հարգանքի տուրք մատուցելով Հայոց ցեղասպանության զոհերի հիշատակին: