Վարչապետ Նիկոլ Փաշինյանը շնորհավորական ուղերձ է հղելՀայաստանի հրեական համայնքին հրեական նոր տարվա՝ Ռոշ ա Շանայի առթիվ, հայտնում է ՀՀ կառավարության տեղեկատվության և հասարակայնության հետ կապերի վարչությունը:
«Ջերմորեն շնորհավորում եմ հրեական նոր տարվա՝ Ռոշ ա Շանայի առթիվ։ Հայ և հրեա ժողովուրդներին միավորում են դարավոր կապերը, գործակցությունը, բարեկամությունը, ինչպես նաև պատմական ճակատագրերի նմանությունը», - գրել է վարչապետը:
Փաշինյանը հավելել է նաև, որ Թավշյա հեղափոխությամբ նոր շունչ ստացած հայաստանյան ժողովրդավարությունը հավասարապես պատկանում է և ծառայելու է երկրի բոլոր քաղաքացիներին՝ անկախ ազգային ու կրոնական պատկանելությունից։