Հայատանի հավաքականի և անգլիական «Արսենալի» կիսապաշտպան Հենրիխ Մխիթարյանը չի մեկնի Բաքու, որտեղ կայանալու է Չեմպիոնների լիգայի խմբային փուլի արտագնա խաղը «Ղարաբաղի» հետ: Այդ մասին հայտնում է ESPN-ն իրավիճակին ծանոթ աղբյուրի վրա հղումով:
Նշվում է, որ Մխիթարյանին Ադրբեջան մեկնելու համար հարկ կլիներ հատուկ թույլտվություն ստանալ ղարաբաղյան հակամարտության պատճառով, սակայն ֆուտբոլիստը հրաժարվել է հայտ ներկայացնելու մտադրությունից:
«Արսենալի» ղեկավարությունը հարգել է ֆուտբոլիստի կարծիքը:
Ավելի վաղ «Արսենալի» գլխավոր մարզիչ Ունաի Էմերին հույս էր հայտնել, որ Մխիթարյանը կկարողանա մասնակցել ադրբեջանական ակումբի հետ խաղին:
2015/16թթ. խաղաշրջանում, երբ Մխիթարյանը հանդես էլ գալիս Դորտմունդի «Բորուսիայի» կազմում, նա չմասնակցեց ադրբեջանական «Գաբալայի» հետ խաղին: Այն ժամանակ Ադրբեջանի ներկայացուցիչները պնդում էին, որ կտան մուտքի արտոնագիր Մխիթարյանին, սակայն ի վերջո Մխիթարյանը չմեկնեց Բաքու անվտանգության նկատառումներից ելնելով:
