ՀՀ երկրորդ նախագահ Ռոբերտ Քոչարյանը Bloomberg-ին տված հարցազրույցում նշել է, որ չնայած վերադարձել է քաղաքականություն, այնուամենայնիվ առայժմ «ինքն իր առջև նպատակ չի դրել վերադառնալ ղեկավարի պաշտոնի»։
«Պուտինի դաշնակիցն առաջնորդում է Թավշյա հեղափոխության դեմ պայքարը» վերտառությամբ նյութում հեղինակը գրում է, որ Հեղափոխությունից հինգ ամիս անց Կրեմլի հետ մոտ հարաբերություններ ունեցող Քոչարյանը վերադարձել է քաղաքականություն՝ «մարտահրավեր նետելով նոր կառավարությանը»։
«Քոչարյանը, ով առերեսվել է հնարավոր ազատազրկման վտանգին, իր նախագահության տասնամյակի ավարտին 10 մահվան մեղադրանքով, քննադատում է Փաշինյանի «հեղափոխական ռոմանտիզմը», - գրում է աղբյուրը։
Նշվում է, որ Փաշինյանը տենչում է կենտրոնացնել իր ձեռքում երկրի օրենսդիր մարմնի իշխանությունը, որը դեռևս գտնվում է Քոչարյանի՝ «իրեն իշխանության ղեկին հաջորդող ընտրած ուժի ձեռքում» (ակնարկ ՀՀԿ-ին՝ խմբ․)։
Աղբյուրը հավելում է նաև, որ Փաշինյանը մեծ աջակցություն է վայելում հանրության շրջանում, որի զայրույթն են շարժել «նախորդ ռեժիմի համակարգային կոռուպցիան և անօրինականությունները, որոնք աղքատության մեջ են թողել բազմաթիվ քաղաքացիների»։
