Հոկտեմբերի 21-ին Կապանում կայացած համայնքի ղեկավարի ընտրություններում անկուսակցական Գևորգ Փարսյանը հաղթել է «Իմ քայլը» դաշինքի ավագանու ցուցակը գլխավորող, «Քաղաքացիական պայմանագիր» կուսակցության անդամ Նարեկ Բաբայանին:
Կապանում համայնքապետի ընտրությանը մասնակցել է 19,503 ընտրող: Առաջադրվել էր համայնքապետի ղեկավարի 3 թեկնածու:
Փարսյանը ֆեյսբուքյան իր էջում գրել է, որ Բաբայանը ստացել է 8076, Էդգար Հովհաննիսյանը՝ 277, ինքը՝ 10,021 քվե:
Հայաստանի 4 քաղաքում՝ Հրազդանում, Արմավիրում, Էջմիածնում և Կապանում, հոկտեմբերի 21-ին կայացած քվեարկությամբ քաղաքապետ են ընտրել: Չորս քաղաքներից երեքում հաղթել են «Քաղաքացիական պայմանագիր» կուսակցության թեկնածուները, մեկում հաղթել է անկուսակցական թեկնածուն։