Samsung ընկերությունը հրավիրել է նոյեմբերի 7-ին և 8-ին Սան Ֆրանցիսկոյում կայանալիք Samsung Developer Conference մշակողների խորհրդաժողովին:
Հրապարակված հրավերում ակնարկ կա ճկուն դիսփլեյով ծալովի սմարթֆոնի անոնսին: Ավելի վաղ ընկերության թոփ մենեջերները արդեն հիշատակել էին, որ մշակումը կարող է ներկայացվել նոյեմբերին: Այդպիսով, Samsung ընկերությունը կարող է ներկայացնել նոր սարքը արդեն նոյեմբերի 7-ին, կոնֆերանսի բացմանը, գրում է Ferra.ru-ն:
Սեպտեմբերին Samsung-ի բջջային ստորաբաժանման նախագահ Դի Ջեյ Կոխը հարցազրույցի ժամանակ սմարթֆոնն անվանել էր մշակման համար ոչ այնքան հեշտ պրոդուկտ: Նա նաև նշել էր, որ հիմա նման սարք թողարկելու ժամանակն է, քանի որ անցկացված հարցումները վկայում են պահանջարկի առկայության մասին: