Լոնդոնի դատարանը կհարցաքննի Վրաստանի նախկին վարչապետ, միլիարդատեր Բիձինա Իվանիշվիլիին, ինչպես նաև Վրաստանի ներքին գործերի նախարար Գեորգի Գախարիային և նախկին փոխվարչապետ Դմիտրի Կումսիշվիլիին:
Վրաստանի իշխող «Վրացական երազանք-Ժողովրդավարական Վրաստան» կուսակցության ներկայացուցիչներին հարցաքննության կկանչեն այսպես կոչված «Օմեգայի» գործով: Omega Group Tobacco-ի գործով հայց է ներկայացրել աշխարհում հայտնի փաստաբանական «Ֆիշերի հիմնադրամը», որը պաշտպանում է ընկերության շահերը, հայտնում է Sputnik Արմենիան Rustavi2 հեռուստաընկերության վրա հղումով:
Դատարան են կանչվել դեռևս միայն Գախարիան և Կումսիշվիլին, սակայն շուտով ծանուցում կստանա նաև Իվանիշվիլին:
Վրաստանի նախկինն պաշտոնյաներին կասկածում են խարդախության և կոռուպցիայի մեջ ներգրավված լինելու մեջ: Իշխող կուսակցությունում բոլոր մեղադրանքները համարում են անհիմն: