Հայաստանի ազգային հավաքականի կիսապաշտպան Մարկոս Պիզելլին Բրազիլիայում ենթարկվել է կրկնակի հետազոտության։ Նա վնասվածք էր ստացել հոկտեմբերի 16-ին կայացած Հայաստան-ՆՀՀ Մակեդոնիա հանդիպման ժամանակ:

Մասնագիտացված կլինիկայում իրականացված հետազոտությունից հետո պարզվել է, որ առկա է խաչաձև կապանի վնասվածք և Մարկոս Պիզզելլին պետք է ենթարկվի վիրահատության, հայտնում է ՀՖՖ-ն:

Վիրահատության ժամկետները դեռ հայտնի չեն։ Կիսապաշտպանի լիարժեք վերականգնման համար նախնական տվյալներով կպահանջի մոտ 5-6 ամիս։

Հոկտեմբերի 16-ին Վազգեն Սարգսյանի անվան «Հանրապետական» մարզադաշտում կայացել է ՈՒԵՖԱ-ի Ազգերի Լիգայի Հայաստան-ՆՀՀ Մակեդոնիա ընտրական հանդիպումը: Հայաստանի ազգային ընտրանին հաղթեց 4:0 հաշվով: Գոլերի հեղինակներ դարձան Մարկոս Պիզելլին (12), Յուրա Մովսիսյանը (67), Գևորգ Ղազարյանը (81) և Հենրիխ Մխիթարյանը (90+4):