Ռուսաստանաբնակ հայազգի մարմնամարզիկ Արթուր Դալալոյանը երկրորդ ոսկե մեդալն է նվաճել Ռուսաստանի համար Դոհայում ընթացող սպորտային մարմնամարզության աշխարհի առաջնությունում:

22-ամյա Դալալոյանը ազատ վարժություններում 14,900 միավոր է հավաքել՝ առաջ անցնելով իր ճապոնացի մրցակցից, հայտնում է Rusarminfo-ն:

Հոկտեմբերի 31-ին Դալալոյանը ոսկե մեդալ նվաճեց սպորտային մարմնամարզության աշխարհի առաջնությունում, բազմամարտ մրցաձևում՝ վերջին 19 տարում առաջին ոսկին բերելով ՌԴ հավաքականին: ՌԴ նախագահ Վլադիմիր Պուտինը շնորհավորել է նրան հաղթանակի առթիվ: