Առաջին աշխարհամարտի մասին Battlefield 1 առցանց խաղի մասնակիցները 2 րոպեանոց հրադադար են հայտարարել՝ այդպես նշելով պատերազմի ավարտի 100-ամյակը: Անսովոր խաղի տեսանյութը հրապարակվել է reddit-ում: Տեսանյութում մասնակիցներն ուղղակի զբոսանում են լողափով:
Հրադադարը, սակայն, կարճ է տևել: Առաջինը լողափը գնդակոծել են օդաչուները, իսկ հետո անհայտ հակառակորդը թիկունքից սպանել է տեսանյութի հեղինակին, գրում է Meduza-ն:
Ավելի ուշ հրադադարը խախտած խաղացողը ներողություն է խնդրել իր վարքագծի համար ֆորումում՝ նա բացատրել է, որ ուղղակի չի դիմացել, քանի որ իր թիմը մշտապես պարտվում էր: