Դեկտեմբերի 9-ին կայանալիք արտահերթ խորհրդարանական ընտրություններին մասնակցության հայտ է ներկայացրել 11 քաղաքական ուժ, հայտնում է ՀՀ կենտրոնական ընտրական հանձնաժողովը:

Ընտրություններին կմասնակցի 2 դաշինք՝ «Իմ քայլը» և «Մենք» դաշիքները, 9 կուսակցություն՝ «Բարգավաճ Հայաստանը», «Ազգային առաջընթացը», «Քրիստոնեաժողովրդական վերածնունդը», «Սասնա ծռերը», «Օրինաց երկիրը», «Հայ հեղափոխական դաշնակցությունը», «Լուսավոր Հայաստանը», «Հայաստանի հանրապետական կուսակցությունը», «Քաղաքացու որոշում սոցիալ-դեմոկրատական» կուսակցությունը:

Կենտրոնական ընտրական հանձնաժողովի հաստատած ժամանակացույցի համաձայն, քաղաքական ուժերի գրանցումը ԿԸՀ-ում կշարունակվի մինչև նոյեմբերի 19-ը: Թեկնածուները, կուսակցությունները և դաշինքներն ու դրանց անդամները ինքնաբացարկի դիմում կարող են ներկայացնել մինչև նոյեմբերի 29-ը ժամը18:00-ն:

Նախընտրական քարոզարշավը կմեկնարկի նոյեմբերի 26-ին և կտևի 12 օր. կավարտվի դեկտեմբերի 7-ին՝ ժամը 24:00-ին: