Փաշինյանը նոյեմբերի 24-ին երթի է հրավիրում երևանցիներին
ՀՀ վարչապետի պաշտոնակատար Նիկոլ Փաշինյանը երթի է հրավիրել երևանցիներին: Այդ մասին նա հայտարարել է իր ֆեյսբուքյան ուղիղ եթերում:
Երթը կկայանա նոյեմբերի 24-ին և կմեկնարկի Նոր Նորքից:
«Մեծ երթ Երևանում, նոյեմբերի 24-ին, ժամը 10-ին սկսում ենք Նոր Նորքից՝ Ռազմական ինստիտուտի դիմացի մայթից»,-ասել է Փաշինյանը:
Փաշինյանը խոստացել է, որ երթն անսովոր է լինելու՝ «ինչպես հեղափոխության օրերին»: «Իրար հետ լավ կքայլենք՝ արժևորելով հեղափոխության այս փուլը և ևս մեկ անգամ ազդարարելով ՀՀ հպարտ քաղաքացու հաղթանակը»,-ասել է վարչապետի պաշտոնակատարը։
