IndieGoGo հարթակում մեկնարկել է հայկական ընկերության արտադրած աշխարհի ամենափոքր power-bank-երից (մարտկոց-լիցքավորիչ) մեկի՝ Lightr-ի crowdfunding արշավը:
Այն հեշտությամբ տեղավորվում է գրպանում ու կարող է լիցքավորել սմարթֆոնը մինչև 100%: Բացի այդ, այն կարելի է ծրագրավորել՝ կոնկրետ ժամին գաջեթը լիցքավորելու համար: Սարքն աշխատում է առանց լարերի:
Bluetooth-ի առկայության շնորհիվ էլ Lightr-ը կարող է սմարթ-հաղորդագրությամբ տեղեկացնել, որ ձեր սմարթֆոնը լիցքավորման կարիք ունի:
Lightr-ով կարելի է լիցքավորել ինչպես iPhone-ներն ու iOS համակարգով աշխատող գաջեթները, այնպես էլ Android-ով (այդ թվում՝ Type-C USB-ով):
Սարքի հզորությունը 1500 մԱ է:
Արշավի մեկնարկից ի վեր հավաքվել է $4143 կամ անհրաժեշտ գումարի 41%-ը: