ՀՀ զինված ուժերի ՍՈՒ-25 մարտական ինքնաթիռը Բարձրաշեն գյուղի տարածքում չի հայտնաբերվել, PanARMENIAN.Net ին հայտնեց ՊՆ մամուլի խոսնակ Արծրուն Հովհաննիսյանը։
Ավելի վաղ որոշ ԶԼՄ-ներ լուրեր էին տարածում, թե ինքնաթիռը հայտնաբերել են Անի համայնքի Բարձրաշեն գյուղի վարչական տարածքում գտնվող ձորում:
Դեկտեմբերի 4-ին ՝ ժամը 10:20-ի սահմաններում, կորել է կապը ամենօրյա մարտական պատրաստության պլանով ուսումնամարզական թռիչք իրականացնող ՀՀ զինված ուժերի ՍՈՒ-25 մարտական ինքնաթիռի հետ:
Ինքնաթիռը թռիչքային երթուղի էր դուրս եկել ժամը 10.06-ին Գյումրիի օդանավակայանից: Ընթանում են որոնողա-փրկարարական աշխատանքներ: Օդանավի անձնակազմը բաղկացած է 2 հոգուց: