ՀՀ վարչապետի պաշտոնակատար Նիկոլ Փաշինյանն ու Ադրբեջանի նախագահ Իլհամ Ալիևը չեն կարողացել գալ համաձայնության գերիների փոխանակման հարցում։

Այս մասին է հայտարարել ինքը Նիկոլ Փաշինյանը, հայտնում է «Հայկական ժամանակը»։

Վարչապետի պաշտոնակատարի խոսքերով, խնդիրն այն է, որ Բաքուն առաջարկում է «բոլորը բոլորի հետ» փոխանակում, այնինչ խնդիրը պիտի քննարկվի Ստեփանակերտի հետ։

Արցախի իշխանությունները հայտնել են, որ որպես բարի կամքի դրսևորում պատրաստ են ազատ արձակել իրենց մոտ գտնվող երեք դիվերսանտներից մեկին, որը սպանություններ չի կատարել, մյուսների ազատման հարցը չի քննարկվում։ Ադրբեջանական գերության մեջ է գտնվում 3 հայ քաղաքացիական։