Հայաստանը 69-րդ տեղն է զբաղեցրել 2018-ի բարգավաճման և տնտեսական կայուն զարգացման վարկանիշում ընդգրկված 152 երկրի թվում: Այդ են վկայում The Boston Consulting Group-ի (BCG) հետազոտման արդյունքները:

Հայաստանը 51.7 միավորով վարկանիշում հայտնվել է Թաիլանդի (68-րդ տեղ) և Բրազիլիայի (70-րդ տեղ) միջև: 2017-ին Հայաստանը 70-րդ հորիզոնականում էր:

Հարևան Վրաստանը վարկանիշում 60-րդն է, Ադրբեջանը՝ 71-ը, Ուկրաինան՝ 67-ը, Ռուսաստանը՝ 59-ը, Թուրքիան՝ 63-ը:

Վարկանիշի առաջատարն է Նորվեգիան, որին հաջորդում են Շվեյցարիան և Իսլանդիան: Տասնյակում են նաև Լյուքսեմբուրգը, Դանիան, Շվեդիան, Սինգապուրը, Ֆինլանդիան, Ավստրիան և Նիդերլանդները: Ամենավատ վիճակն արձանագրվել է Կենտրոնական Աֆրիկայի Հանրապետությունում: