Թորոսյան. Դժվար ճանապարհներով ներմուծվող դեղերը 2019-ից հնարավոր կլինի ներմուծել պետգնումներով
ՀՀ-ում չգրանցված, բայց շատ անհրաժեշտ դեղերն, այսուհետ հնարավոր կլինի ներմուծել պետգնումների միջոցով: Այդ մասին հայտարարել է առողջապահության նախարարի պաշտոնակատար Արսեն Թորոսյանն իր ֆեյսբուքյան էջում:
«Հայաստանում չգրանցված, բայց խիստ անհրաժեշտ և դժվար ճանապարհներով ներմուծվող դեղերը 2019-ից հնարավոր կլինի ներմուծել պետական գնումներով: Որոշումն ընդունել ենք երկու շաբաթ առաջ: Առաջինը երկիր կմտնեն ու երեխաներին անվճար կհասնեն հակաուռուցքային դեղամիջոցները»,-ասվում է գրառման մեջ։
Նշված դեղամիջողները նախկինում գնում և, ժամանակ կորցնելով, Հայաստան էին հասցնում երեխաների ծնողները։
