Պայթյունը Չեխիայի ածխահորում 13 մարդու կյանք է խլել: Այդ մասին հայտնել է արդյունահանող OKD ընկերության ներկայացուցիչ Իվո Ցելեխովսկին:
Զոհվածներից 11-ը Լեհաստանի քաղաքացի է, 2-ը՝ Չեխիայի, գրում է Lenta.ru-ն Reuters-ի վրա հղումով:
Ընդհանուր առմամբ պայթյունի վայրում 23 հորատող էր աշխատում, որից միայն 2-ն էին Չեխիայի քաղաքացի: 7 տուժածի տեղում է օգնություն ցուցաբերվել, այժմ հիվանդանոցում 3 վիրավոր կա, որից մեկի վիճակը կրիտիկական է:
Ավելի վաղ ընկերությունից հայտնել էին, որ ստորգետնյա աշխատանքները ստիպված են եղել դադարեցնել վատ եղանակային պայմանների պատճառով՝ փրկարարները չէին կարողացել առաջ շարժվել հրդեհի և զրո տեսանելիության պատճառով:
Բռնկման պատճառը մեթանն է եղել:
Սա ամենալուրջ միջադեպն է երկրում 1990-ից ի վեր՝ այն ժամանակ 30 մարդ զոհվեց հրդեհից Քարվինից ոչ հեռու գտնվող ածխահորերում: