Երևանի ավագանու դեկտեմբերի 21-ի նիստում «Լույս» խմբակցության անդամ Անի Սամսոնյանը քննադատել է գործող քաղաքապետ Հայկ Մարությանին՝ նախընտրական խոստումները չկատարելու համար:
Նա հիշեցրել է, որ Մարությանը իր նախընտրական ծրագրում խոստացել էր աղբահանությունն իրականացնող երկրորդ օպերատորին ներգրավել:
«Սանիթեքի հարցն այդպես էլ չի լուծվում, պարոն քաղաքապետ, ես անում եմ իմ եզրակացությունը՝ Դուք չգիտեք, թե ինչպես է պետք լուծել այդ խնդիրը, Դուք անկարող եք քաղաքը մաքրել աղբից: Մի եզրակացություն էլ կա՝ Դուք չեք ուզում խզել պայմանագիրը «Սանիթեքի» հետ, քանի որ համակրում եք այդ ընկերությանը», - ասել է Սամսոնյանը:
Նա ասել է, որ քաղաքապետարանի և աղբահանությունն իրականացնող ընկերության միջև կնքված պայմանագրով, ձախողման և բացթողումների վերաբերյալ ծանուցումներ ուղարկելը կարող է իրավական հիմք դառնալ պայմանագիրը խզելու համար:
«Կոչ եմ անում բոլոր քաղաքացիներին ֆլեշ-մոբ իրականացնել՝ ֆեյսբուքում հրապարակելով աղբակույտերի լուսանկարներ: Դուք պետք է արթնանաք և քնեք աղբի լուսանկարներ նայելով»,- ասել է Սամսոնյանը Մարությանին:
Ավելի վաղ Երևանու նախկին ավագանու ԵԼՔ խմբակցությունը պահանջում էր լուծարել«Սանիթեքի» հետ քաղաքապետարանի պայմանագիրը:
