2019 թվականի հունվարի 1-ից նոր սերնդի ՀԴՄ-ների կիրառությունը պարտադիր է դառնում տնտեսվարողների համար, հայտնում է ՀՀ ԿԱ պետական եկամուտների կոմիտեի լրատվական ծառայությունը:
Նշվում է, որ նոր սերնդի ՀԴՄ-ները՝ դրանք չկիրառող հարկ վճարողներին տրամադրվում են գրեթե ինքնարժեքով:
Հարկ վճարողները ՀՀ կառավարության որոշմամբ սահմանված կարգին համապատասխան կարող են հսկիչ դրամարկղային մեքենաների գինը վճարել ամբողջությամբ և միանվագ կամ, իրենց ցանկությամբ, 2 տարվա ընթացքում տարաժամկետ վճարումներով` ամսական համամասնությամբ:
Նշված հարկ վճարողների հետ կնքվում է հսկիչ-դրամարկղային մեքենաների գնի տարաժամկետ վճարման պայմանով առուվաճառքի պայմանագիր, և ՊԵԿ-ը հարկային վարչարարություն չի իրականացնում այն հարկ վճարողների նկատմամբ, որոնք կներկայացնեն նոր սերնդի ՀԴՄ-ների ձեռքբերման դիմումներ: